X
GOGATV - ინტერნეტ ტელევიზია
მამამ მის 16 წელს მიუღწეველ შვილთან გარყვნილი ქმედება ჩაიდინა
  • მამამ მის 16 წელს მიუღწეველ შვილთან გარყვნილი ქმედება ჩაიდინა

    თეთრიწყაროს რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და არასრულწლოვან შვილთან გარყვნილი ქმედებისთვის ბრალდებული ს.ფ. დამნაშავედ ცნო.

    უწყების ცნობით, სასამართლოში წარდგენილი მტკიცებულებებით დადასტურდა, რომ 2019 წლის 27 მაისს, მსჯავრდებულმა მის 16 წელს მიუღწეველ შვილთან გარყვნილი ქმედება ჩაიდინა.

    "სამართალდამცველებმა ს.ფ. 2019 წლის 31 მაისს დააკავეს. მას ბრალდება საქართველოს სისხლის სამართლის კოდექსის 11" 141-ე მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ ძალადობის გარეშე სრულწლოვანის გარყვნილი ქმედება დამნაშავისათვის წინასწარი შეცნობით თექვსმეტი წლის ასაკს მიუღწეველთან) წარედგინა და აღკვეთის ღონისძიების სახით პატიმრობა შეეფარდა.

    სასამართლომ ბრალდებულს სასჯელის სახედ და ზომად 6 წლით თავისუფლების აღკვეთა განუსაზღვრა," - აღნიშნულია განცხადებაში.
    79 ნახვა
    31-10-2019, 11:04